صور

مطعم Manga Sushi3 من التعليقات

الكاتب: 6 February, 2010
الزيارات: 21 views

يسعدني اني اخذكم في جوله في مطعم ياباني بس فكرته و صاحبه مواطن

شكل المطعم من برع

السوشي بار

الاجواء


العاب و قصص المانجا في كل مكان هذا غير شاشات التلفزيون

اللي يشتغلون كلهم يلبسون هاللبس …. يعني اللي ريايلهم عيونهم زايغه لا توديه هالمطعم

الفوط اللي تنحط على الحضن

المينيو: حبيت فكرته بس ما حبيت انه مافي صور للاكلات خاصه ان نحن مب متعودين على الاكلات اليابانيه

عصي الاكل … احلى شي بس طبعا اللي ما تعرف تاكل به تروم تطلب table set

التصبيره اللي عطونا هي تونه (ببلاش)

العصير و اسمه Kira Icy Strawberry

و ها سوشي بالربيان… ترومون تطلبون ٦ قطع … نحن طلبنا ٣ للتجربه

اسم الطبق Otako

و هالنودلز بالخضره و الدياي و الربيان … ترومون تطلبون النودلز الرفيع بس نحن طلبنا العريض

واسم هالطبق Yako Udon

واحلى شي عندي في الاكل الياباني هو دياي بالترياكي … حبيت اللي كلته من عندهم بس عندهم اسمه Chicken Yatikori

اخر شي حلينا و سويتهم غريب … ايسكريم فانيلا حاطين عليه طبقة من شي وايد سويت (فيه سكر) و قالينه بس يوم تاكلون الايسكريم ما يكون ذايب

اسمه The Sunrise

و اخيرا الحساب

اسعاره تعتبر معقوله و الاجواء حلوه و شبابيه و اللي يحب المانجا  والاكلات اليابانيه بيحب هالمكان

عن نفسي احب الاكل الياباني بس ما اتابع المانجا و ما يعجبني بس حبيت المكان لاني احب التغيير و المطاعم اللي اجواءها حلوه

اعطي هالمطعم١٠/١٠

بنسيرله مره ثانيه؟ أكيييييد

و للاسف بس شي فرع واحد في شارع جميرا في نفس المكان اللي فيه برج الحمام … الطابق الثاني

رقمهم موجود في الفاتوره … زوروهم و خبروني  شو جربتوا من  اكلهم ولا شو رايكم

لا تنسون ان صاحبه مواطن فادعموه و خبروا ربعكم عن المكان

موقعه في الفيسبوك

صفحة 161 من 161« الأولى...157158159160161

حقوق الطبع والنشر 2009-2012 لـ مدونة بنات زايد | BanatZayed Blog جميع الحقوق محفوظة. يتم تطويره بواسطة CWS